SmartSolutions Hackathon 2026 tədbirinin ikinci günündə komandaların təqdimat mərhələsi baş tutmuşdur.

Hackathon çərçivəsində iştirak edən 14 komanda hazırladıqları innovativ həlləri münsiflər heyəti qarşısında təqdim etmişdir. Hər bir komandaya təqdimat və MVP nümayişi üçün 5 dəqiqə, sual-cavab mərhələsi üçün isə əlavə 3 dəqiqə vaxt ayrılmışdır.

Təqdimat mərhələsində çıxış edən komandalar və onların layihələri aşağıdakılardan ibarət olmuşdur:

• CodeBreakers – AI əsaslı maliyyə köməkçisi
• ISO – Kənd təsərrüfatında süni intellekt həlli
• Aura – Fırıldaqçılıq və fişinq aşkarlama sistemi
• CyberClowns – Real-time fişinqə qarşı brauzer əlavəsi
• Virality – Real-time investisiya simulyasiya platforması
• Better Soft – Sənaye və istehsalat üçün AI həlli
• MZT – Kredit riskinin süni intellektlə qiymətləndirilməsi
• 3Nodes1Root – AI əsaslı şəxsi maliyyə idarəetmə sistemi
• Nimbus1950 – Maliyyə fırıldaqçılığının aşkarlanması
• Az2 – Ağıllı parkinq sistemi
• Tricore – P2P fırıldaqçılığın AI ilə aşkarlanması
• Tab-SM – Tələb proqnozlaşdırma sistemi
• ChatX – Kuryer yorğunluğunun aşkarlanması
• Falcone – Video və audio analiz əsaslı AI sistemi

Təqdimatlar zamanı komandalar öz həllərinin texniki tərəflərini, istifadə etdikləri model və yanaşmaları, həmçinin təqdim olunan məhsulun bazar potensialını və real tətbiq imkanlarını nümayiş etdirmişlər. MVP səviyyəsində hazırlanmış məhsullar iştirakçıların ideyalarını praktik həllərə çevirmək bacarığını ortaya qoymuşdur.

Təqdimatlar Fərid Kazımov, Orxan Əhmədov və Aysel Sadıqova tərkibli münsiflər heyəti tərəfindən qiymətləndirilmişdir.

Münsiflər heyəti təqdimatları 5 əsas meyar üzrə qiymətləndirmişdir. Növbəti mərhələdə isə yekun nəticələr əsasında qalib komandalar müəyyənləşdiriləcəkdir.